بسم الله الرحمن الرحيم
ركزوا معايا فى شوية الكلام اللى هقولهم دول
علشان والله كلام مهم جدا ممكن يغير مجرى حياتك كلها
طبعا احنا كلنا عارفين ان غالبية الكورسات اللى بندرسها فى الكليه مش مفيده للدرجه الكافيه وممكن محدش يستفاد منها اصلا بس مش كل الكورسات طبعا
طيب الحاجه الاهم برضوا ان احنا عارفين ان اكبر جامعات العالم بتاخد كورسات من اقوى الكورسات اللى فى العالم كله بل هى اصلا اقوى الكورسات فى العالم وكلنا نتمنى ان احنا ناخد ولو جزء بسيط من الكورسات دى
ركز بقى معايا بالله عليك
انهارده ان شاء الله
هشرح حاجه بسيطه كدا هتخليك تدرس الكورسات اللى نفسك فيها من افضل واكبر جامعات العالم
لو مش مصدق !!!
اعتبرنى بضحك عليك بس كمل معايا لاخر البوست
من الاخر كده هقولكم على موقع
الموقع ده بيتم فيه شرح كورسات فى مجالات كتيره هقول عليها دلوقتى
واللى بيشرحها اصلا دكتور من نفس الجامعه اللى فيها الكورس
والله الكلام ده بجد
وانا واحد من الناس باخد كورس اسمه
Introduction to Mathematical Thinking
الكورس ده من جامعة Stanford University
BY: Dr. Keith Devlin
والكورسات كلها مستواها عالى جدا وهتشوف كورسات مكنتش تحلم بيها
والمفاجأه بقى انك بعد ماتخلص الكورس هتاخد شهاده معتمده من الموقع ده
وطبعا الموقع مش زى اى موقع وخلاص
لا ده موقع عالمى ومعترف بيه فى كل الجامعات
نيجى بقى لاهم نقطه ايه هى المجالات الموجوده على الموقع
1- Arts and Humanities
2- Business
3- Computer Science
4- Data Science
5- Life Sciences
6- Math and Logic
7- Personal Development
8- Physical Science and Engineering
9- Social Science
على ماأظن ان الموقع فيه اغلب المجالات اللى ممكن تحتاجها
هتدخل على الموقع وتسجل فيه وبعد كده تدخل على المجال اللى يعجبك وبعدين هتلاقى كورسات ولا فى الاحلام وبعدين تدخل على الكورس وتابع الفيديوهات اللى فيه وتشوف التمارين والتاسكات المطلوبه وتعملها علشان الشهاده طبعا
ومبروك عليك كورسات من افضل الجامعات فى العالم مع محاضرين من افضل المحاضرين فى العالم
يلا بقى على الموقع
---------------------------------------------------------
لاتنسونا من صالح دعائكم
